“Portaera indibidualetan egiten diren aldaketa txikiek emaitza handiak ekartzen dituzte laneko arriskuen prebentzioari dagokionez"

13-06-2018
Confebask jardunaldi batean parte hartzera gonbidatu dute - baita CEOEren izenean ere -, Bilbon, “Lan osasungarriei” buruzko Europako kanpaina berria aurkezteko antolatu den jardunaldi batean, INSSBTk eta Laneko Segurtasun eta Osasunaren Europako Agentziak antolatuta. Testuinguru horretan, Confebaskeko Amaia Lopez Iriondok gogorarazi duenez, lantokian lan arriskuak eta gaixotasun profesionalak prebenitzeko giltzarriak zerikusi handia dauka “enpresako pertsonen konbentzimenduarekin - bai gidarien aldetik bai gainerakoen aldetik -, gai horretan egiten den inbertsioa ez delako aukera bat, baizik eta betebehar legal eta etikoa, eta, are gehiago, enpresaren lehiakortasunerako betebeharra“.

Euskadin enpresak sortzeko erritmoa estatuaren erdia baino gutxiago da, eta maiatzean %0,4 baino ez da hazi

11-06-2018
Confebasken azken txostenaren arabera, Euskadin Gizarte Segurantzan inskribatutako enpresen kopurua maiatzean 59.418 zen. 2012tik dagoen mailarik altuena da, baina orain dela urtebete bat zegoena baino %0’4 gehiago besterik ez da (+214 enpresa). Urtearteko tasan, hazi egin dira Eraikuntzan (+%1’1) eta Zerbitzuetan (+%0’2) diharduten etxeak, eta Industriakoak berriro murriztu dira (-%0’6). Estatuak dagoen batez bestekoarekin alderatuta, Euskadin sortutako enpresen urtearteko hazkundea nabarmen txikiagoa da.

Hiru euskal enpresa, Iberdrola, AB Laboratorios de Biotecnología eta Energy Revival SL saritu dituzte Europako Ingurumen sariekin Espainiako sekzioan

06-06-2018
Sariak bi urtean behin deitzen ditu Europar Batzordeak, eta bere helburua da jardueraren bideragarritasun ekonomikoa eta ingurumenaren babesa arrakastaz uztartzen dituzten konpainiak aitortzea eta saritzea. Europak estatu espainolean banatzen dituen 5 sarietatik hiru euskal enpresetara etorri dira: Iberdrola, AB Laboratorios de Biotecnología eta Energy Revival SL. Gainera, Euskadiko beste konpainia batzuek ere accesitak lortu dituzte: Sistemas Urbanos Drenaje Sostenible SL; EKolber Ingenieria del Caucho y Plástico de Colágeno SL; eta Ekonek, Innovación en Valoración de Subproductos SL. Guztira, Europako sarien Espainiako sekziora aurkeztu diren hautagaien %30 euskal enpresak dira.

Confebaskek ‘Global Innovation Day’ ekitaldian parte hartuko du, berrikuntzaren urteko topaketan, aurten bereziki enpresa txiki eta ertainei zuzenduta

06-06-2018
‘Global Innovation Day’ jardunaldia Innobasquek antolatzen du - Confebask lehendakariordea da -, eta datorren ekainaren 13an egingo da, Donostiako Kursaalean. Aurten euskal enpresa berritzaileen kopurua handitzera zuzenduko ditu bere ahaleginak, batez ere enpresa txiki eta ertainena (ETE), Euskadiko enpresa sarearen %90 baino gehiago baitira. Global Innovation Dayn hainbat hitzaldi emango dira, hala nola eraldaketa digital eta ETE-etan aditua den Silvia Lealena, eta BTIko lehendakari eta zuzendari zientifiko Eduardo Anituarena, zeinek berritzeko hainbat gako azalduko dituzten. Gainera, aurtengo edizioan, Confebask eta Adegi, Cebek eta Sea bere elkarte kideak laguntzaile moduan agertzen dira, antolatu diren bost tailerretako batean parte hartuko baitute, eta berrikuntza babesteko eragileen gunean ere izango dira.

Hetel, Confebask, Politeknika Txorierri eta Adegiren arteko itunak, “Global Training” programako 60 beka kudeatuko ditu LHko eta Unibertsitateko tituludun gazteek Europa, Amerika eta Asiako enpresetan praktikak egin ditzaten

05-06-2018
Beka horiei esker, EAEko gazteek beraien prestakuntza praktikoa handituko dute Europako, Estatu Batuetako, Hego Ameriketako eta Asiako hogei bat herrialde ezberdinetako enpresa eta erakundetan. Unibertsitateko eta Goi Mailako Lanbide Heziketako ikasketak dituzten 30 urtetik beherako tituldunentzat izango dira bekak. Gutxienez 6 hilabete iraungo dute eta onuradunek batez beste 1.400 € jasoko dituzte hilean, eta bekak eskatzeko epea 2018ko uztailaren 16an amaituko da.