“Enpresa lehiakorrak izan ezean ez dugu gizarte oparo bat izango, eta elkarrizketa sozialik eta kontsentsurik gabe zaila da ongizatea mantentzea”

21-10-2019
Deia egunkarian argitaratutako elkarrizketa batean, Confebaskeko lehendakari Eduardo Zubiaurrek gogorarazi duenez, besteak beste, “Euskadi herrialde industrial bat da, eta argi eduki enpresa lehiakorrak izan ezean ez dugula gizarte oparo bat izango, eta elkarrizketa sozialik eta kontsentsurik gabe zaila dela ongizatea mantentzea". Elkarrizketan zehar, halaber, Zubiarrek epe labur eta ertainera dagoen erronka handietako bat nabarmendu du, eta hori pertsonak falta direla da, bai kopuruari dagokionez, bai euskal enpresa sareak behar duen kualifikazioari dagokionez. Ildo horretan, adierazi duenez, “Euskadin, gaur egun, ez dago prestatuta egonik lanean ari ez den jenderik.

Euskadin enpresa eta autonomoen kopurua hazi egin da, eta azken urteetako irailik onenetakoa izan da

17-10-2019
Confebasken iraileko enpresa buletinean irakur daitekeenez, Gizarte Segurantzan inskribatutako EAEko enpresen kopurua 808 enpresarekin hazi zen abuztuarekin alderatuta, guztira 58.800 enpresa izateraino. Aurreko urteko hilabete berdinarekin jaitsiera txiki bat izan duen arren (-%0,4), irail baterako daturik onenetako baten aurrean gaude, nahiz eta ez dituen 2017koa eta 2018koa berdintzen, horiek bereziki onak izan baitziren. Autonomoen kopuruaren bilakaerari dagokionez, Euskadin irailean 417 autonomoren hazkundea izan du abuztuarekin alderatuta, hau da, azken urteetako irailik onenetakoa izan da, erregistratutako 170.000 autonomoen mugatik gertu.

Urkullu lehendakariak presiditu du Euskararen Aholku Batzordearen bilera, eta Confebaskek ere parte hartu du

09-10-2019
Iñigo Urkullu lehendakariak presiditu du, gaur arratsaldean Bilbon, Euskararen Aholku Batzordearen osoko bilkura, zeinean elkartzen baitira hainbat solaskide sozial, ikertzaile, ordezkari instituzional eta ekonomiko –horien artean Confebask–, egoerari buruzko ahalik eta diagnostikorik zehatzena egiteko, eta estrategiak lantzeko, euskal gizartearen esparru guztietan hizkuntzaren erabilera bultzatzeko. Ildo horretan, gaur arratsaldeko bileran, Kontseiluak azterketa bat ezagutarazi du, arlo sozio-laboralean euskararen erabilera hobetzeko plan bat prestatzeko aurrelan gisa, bereziki enpresa pribatuaren arloan.

Confebaskeko ordezkaritza bat Eusko Jaurlaritzako Enplegu eta Lan sailburuekin elkartu da

08-10-2019
Confebasken ordezkaritzak–Eduardo Zubiaurre lehendakaria eta Eduardo Aretxaga zuzendari nagusia buru zirela– Eusko Jaurlaritzako bi sailetako ordezkari nagusiekin egindako lehen bilera Lan eta Justizia Saileko sailburu Maria Jesus San Joserekin izan da. Topaketa Gasteizko Lakuako egoitzan egin da, eta bi ordezkaritzek Euskadiko arlo sozioekonomiko eta laboraleko gai nagusiak analizatu dituzte: Elkarrizketa Sozialaren Mahaia, Negoziazio Kolektiboa eta Laneko Segurtasun eta Osasuna, besteak beste. Ondoren, baita ere Eusko Jaurlaritzaren Lakuako egoitzan, Enplegu eta Gizarte Politiketako sailburu Beatriz Artolazabal izan da Confebasken ordezkaritza hartu duena.

Euskal enpresen neurria hazi egin da, batez ere industrian, eta dagoeneko krisiaren aurretik baino enpresa handi gehiago daude

03-10-2019
Confebaskek Enpresa Dimentsioari buruz atera duen azken buletinean kontsultatu daitekeenez, euskal enpresen batez besteko neurriak hazten jarraitzen du azken urteetan, eta Euskadin firma ertain eta handiak pisua hartzen ari dira txikiekiko. Newsletterrak beste datu interesgarri batzuk ere erakusten ditu. Adibidez, euskal enpresen batez besteko neurria Europakoena baino txikiagoa den arren, azken urteetan horretara hurbiltzen ari da. Izan ere, Euskadin dagoeneko krisiaren aurretik baino enpresa handi gehiago ditugu.