Noticias

“Gure gazteen heziketa enplegua dagoen lekurantz bideratzea bultzatu behar da”

16-06-2021
“Gure gazteei ematen zaien prestakuntzaren orientazioak kezkatzen gaitu, izan ere, Euskadin, sektore batzuetan beste batzuetan baino lan aukera hobeak daude, eta, hala ere, ezin ditugu erakarri”. Horrela mintzatu da gaur goizean Eduardo Aretxaga Confebaskeko zuzendari nagusia Urduliz Dorrean (Bizkaia), Deia egunkariak eta Telefonicak antolatutako ‘Eraldaketa digitala eta enplegurako aukera berriak’ jardunaldian. Eduardo Aretxagak esan duenez, “pandemiaren aurretik ere sumatzen genuen eremu digitalaren gorakada. Baina ez dugu lortzen gazteak jarduera adar horretara erakartzea, hain zuzen ere, lan baldintza, garapen profesional eta abar onenak eskaintzen dituen jarduera adarrera. Beraz, beharrezkoa da horrelako sektoreetara bideratutako hezkuntza orientazioa sustatzea, hor baitago Euskadin enpleguaren zati handi bat ".

Confebask, Adegi, Hetel eta Politeknika Txorierri 'Global Training' beken kudeaketari ekin dio berriro, plaza gehiago eskainiz eta adin muga handituta

07-06-2021
Confebask, Adegi. Hetel eta Politeknika Txorierri aliantzak indarberrituta ekin dio berriro Global Training beken kudeaketari, LHko goi mailetan eta Unibertsitatean titulatutako euskal gazteek praktikak egin ahal izan ditzaten atzerriko enpresetan. Besteak beste, Europan, Hego Amerikan eta Asian. Aurreko urteetan ez bezala, oraingoan 31 urte arteko tituludunentzat dira. Gutxienez 6 hilabeteko iraupena dute, hilean 1.500 €-ko zenbatekoarekin onuradunarentzat, eta bekak eskatzeko epea ekainaren 14an hasi eta uztailaren 16an amaituko da.

Euskadiko enpresen kopurua 318 hazi da apirilean, azken bost urteetako daturik onena

18-05-2021
Confebasken azken txostenean irakur daitekeenez (ikusi hemen), Gizarte Segurantzan inskribatutako euskal enpresen kopurua 318 enpresarekin hazi zen apirilean. Oraindik pandemiaren aurretik (2020ko otsaila) baino 1.189 enpresa gutxiago dauden arren (-2%), apiril baterako hazkunderik handiena da 2016tik. Guztira, Euskadin apirilaren amaieran erregistratutako enpresen kopurua 57.704ra iritsi da. Orain arte, pandemiaren zatirik gogorrenean galdutako konpainien %44 berreskuratu dira. Estatuan batez beste gertatzen ari denarekin alderatuta, Euskadin enpresen kopuruaren murrizketa txikiagoa izaten ari da, -%2, eta estatuan -%3.

“Euskadiko lan merkatuaren bilakaera positiboa izan da apirilean, langabezia jaitsi eta enplegua handitu baita jarduera sektore guztietan”

05-05-2021
Pablo Martin Confebaskeko Ekonomia arduradunaren ustez, “lan merkatuaren bilakaera positiboa izan da, langabezia jaisteaz eta Gizarte Segurantzan kotizatzen dutenen kopurua handitzeaz gain, hori lurralde eta jarduera sektore guztietan lortu delako. Egia da oraindik ere pandemiaren aurretik baino 10.000 langabe gehiago ditugula, baina espero dugu, txertaketak aurrera egin ahala, murrizketak arindu egingo direla eta enpresa eta kontsumitzaileen konfiantza berreskuratuko dela, eta Euskadiko lan merkatuak pixkana hobetzen jarraituko duela”.

"Ingurumenen onura gehien sortzen dituzten eta enpresen lehiakortasuna hobetzen duten eremuetan lan egingo dugu”

19-04-2021
Confebaskek ingurumenari buruzko azken newsletterrean argitaratutako elkarrizketa batean Ihobeko zuzendari nagusiak adierazi duenez, "euskal enpresak izan dira eta dira Euskadiko ingurumenaren eraldaketaren eragile nagusiak. Egin behar dugun hurrengo urratsa da enpresen, batez ere ETEen, eta administrazio publikoaren artean lankidetza handiagoa lortzea, jasangarritasuna errentabilizatzeko. Ingurumen jasangarritasunak isla izan behar du emaitzen kontuan, aukera moduan, negozio nitxo berriak eta merkatu berriak irekiz, eta berrikuntza gehiago eginez. Egoera horretan, ekonomia zirkularra funtsezko tresna da gure enpresen lehiakortasuna handitzeko ".