Noticias

Hezkuntza Saialak Confebaskeko lantaldeko enpreseei Unibertsitate-Enpresa Estrategiaren ardatzak aurkeztu dizkie

15-09-2017
Eusko Jaurlaritzako Unibertsitate eta Ikerketako sailburuorde Adolfo Morais eta Gasteizko exekutiboaren Unibertsitate Politika eta Koordinazioko zuzendari Miren Artaraz ardutatu dira 2017-2022 aldirako 'Unibertsitate-Enpresa Estrategia' aurkezteaz Confebaskeko Industria eta Prestakuntzako lantaldea osatzen duten enpresen aurrean. 'Unibertsitatea-Enpresa Euskal Estrategia' honen bi helburu nagusiak dira, batetik, euskal enpresek eskatzen duten kualifikazioaren profila izango duten pertsonak prestatzea (esaterako, 4.0 industriaren erronkei erantzuteko, etab.), eta, bestetik, Euskal Unibertsitate Sistemaren eta enpresaren arloaren arteko transferentzia zientifikoa sortzea eta areagotzea.

Confebaskek atxikipena sinatu du formazio duala indartzeko Europako Batzordeak sortutako Europako Aprendizen Aliantzarekin

14-09-2017
Confebaskek atxikipen ofiziala sinatu du gaur goizean Europako Aprendizen Aliantzarekin, (EUROPEAN ALLIANCE FOR APPRENTICESHIPS-EAfA- ingelesezko bere izena), garrantzi berezia ematen dio formazio dualaren sustapena eta herrialde ezberdinetan praktikak egitea errazteko ikasleen nazioarteko mugikortasunari. Confebasken atxikipen ofiziala gaur goizean formalizatu da bere zuzendari orokor Eduardo Aretxagaren sinadurarekin, Donostian Eusko Jaurlaritzak eta EAfAk berak antolatutako Lanbide Heziketako Nazioarteko Jardunaldi batzuetan bere parte hartzea aprobetxatuz.

Abuztuan Gizarte Segurantzan izena emandako enpresen kopurua jaitsi egin da Euskal Herrian, eta autonomo kopurua nabarmen gainera.

13-09-2017
Abuztuan uztailean baino 580 enpresa gutxiago zenbatu dira Euskadiko Gizarte Segurantzan izena emanda; jaitsiera ohikoa da hilabete honetan, eta iazko abuztuan erregistratutakoa baino txikiagoa, orduan enpresen kopurua gehiago jaitsi baitzen: 854. Urteen artean - 2017ko abuztua/2016ko abuztua- hazkunde txiki bat dago gainera, nahiz eta iaz baino 97 enpresa gehiago besterik ez diren, hau da, orduan baino %0,2 gehiago, gaur egungo 57.862. Autonomo kopuruari dagokionez, abuztuan aurreko hilearekiko jaitsiera nabarmena erregistratu da.

Enpresen kreditu baldintzak eta egoera finantzarioa hobetu dira

27-07-2017
Enpresen Finantzaketari Confebasken azken buletinaren arabera, kreditu berriak lortzeko enpresekin negoziatzen diren baldintzak hobetu egin dira, beraien egoera finantzarioa bezala. Diagnostikoaren oinarrian 3 datu daude: lehendabizikoa, 1 urterako Euriborrak beste minimo berri bat markatu duela ekainean, %-0,15; bigarrena, enpresa txiki eta ertainetarako kreditua ere minimoetan jarri da –nahiz eta enpresa handientzako kredituen prezioa baino 0,62 puntu handiagoa den–; eta hirugarrena, enpresa sektorearen berankortasunaren jaitsiera azeleratu egin dela, aurtengo lehen hiruhilekoan %17 murriztu baita.

Enpresarik txikienak ez dira produktiboak eta, ekoizpenari dagokionez, beraiek sufritu dute gehien krisian zehar

24-07-2017
Confebaskek Enpresa Dimentsioari buruz landu duen Newsletterraren azken zenbakian jasotzen denez, finantzarioak ez diren euskal enpresen produktibitatea murriztu egin da 2008tik 2014ra bitartean. Zehazki, %4,3 batez beste. Alta, enpresa horien artean, “mikroenpresetan” jaitsi da gehien produktibitatea –1-9 langile artean–, horietan jaitsiera %12,8koa izan baita. Eta 2014an produktibitate mailaren portzentaje hori finantzarioak ez diren enpresen batez bestekoa baino %22 gutxiago zen. Ildo horretan, buletinean eskaintzen diren datuen arabera, enpresen produktibitatea bere dimentsioari zuzenean lotuta dago. Horrez gain, “Enpresa Dimentsioa”-aren zenbaki honek elkarrizketa bat eskaintzen du Euskadiko Ezagutza eta Teknologien Industrien Gaia Klusterreko zuzendari nagusiarekin.