Noticias

“Pertsonek enpresaren kultura, balioak eta helburuak barneratzea, partekatzea eta gurea bezala etengabeko hazkundean dagoen erakunde batean zabal ditzaten... hori erronka zaila da kudeatzeko”

28-02-2023
“Guretzat nahitaezko betebeharra da tamaina irabaztea, industria sektorean erreferentea izan nahi badugu. Eta nahi dugu!” Horrela erantzuten dio Javier Rayak, NBI taldeko finantza zuzendariak, Confebaskek editatutako Enpresa Dimentsioaren newsletterrerako emandako elkarrizketan, tamaina handitzeko beharraz eta horrek dakartzan onurez galdetuta. Zentzu horretan, Javier Rayaren esanetan, “ez dugu beste aukerarik gutxieneko masa kritiko bat duen enpresa bihurtzea baino, industria mapan agertu ahal izateko. Hori, zenbakitara eramanda, urtean 100 milioi euro fakturatzea da. Gure iritziz, tamaina horrekin industria piezen kontsumitzaile handiengana iristeko askoz aukera gehiago izango ditugu”.

Euskadiko enpresa kopurua murriztu egin da urtarrilean, baina iaz baino gutxiago, eta 2022an konkurtsoan sartutako enpresena, berriz, %3,1 jaitsi da, estatu osoan ez bezala, hor igo egin baita

14-02-2023
Confebaskek Euskadiko enpresa sarearen bilakaerari buruz egin duen azken txostenean zehazten denez, Gizarte Segurantzan inskribatutako euskal enpresen kopurua 57.457 zen urtarrilean, 363 enpresa gutxiagorekin. Urtarrilerako ohikoa baino jaitsiera txikiagoa da (-%0,2). Nolanahi ere, 2020ko otsailarekin alderatuta (pandemiaren aurretik) oraindik 1.436 enpresa gutxiago daude (-%2,4), eta harrezkero %32 baino ez dira berreskuratu. Iaz hartzekodunen konkurtsoan sartu ziren euskal enpresei dagokienez, 2022ko datu osoak argitaratu ondoren, 253 erregistratu ziren guztira, 2021ean baino -%3,1 gutxiago.

“Euskadiko enpresak beren estrategiak eta 2030 Agendaren esparrua bateratzeko egiten ari diren ahalegina gehiago nabarmendu beharko lirateke”

06-02-2023
Confebaskeko 2030 Agendaren arduradun Amaia Lopez Iriondok Euskadi 2030 Agendaren Foroa delakoaren beste bilera batean parte hartu du gaur, Eusko Jaurlaritzako Trantsizio Sozialaren eta 2030 Agendaren Idazkaritza Nagusiaren babespean. Foro horretan, Amaia Lopez Iriondok “Euskadiko enpresak beren estrategiak eta 2030 Agendaren esparrua bateratzeko egiten ari diren ahalegina” nabarmendu nahi izan du. “Euskal enpresaren egiten jakite horren balioa nazioarteko eskualdeen eta erakundeen aurrean aitortu beharko litzateke”. Halaber, arloko Confebaskeko arduradunaren iritziz, beharrezkoa da “2030 Agenda bera euskal herritarren artean sozializatzea eta hedatzea”.

Confebask burutzen ari da Erasmus+ bekekin atzerriko enpresetan praktikak egingo dituzten LHko 45 gazteren irteera

03-02-2023
Confebaskeko Prestakuntza Sailak 45 gazte elkartu ditu gaur goizean Bilbon, Euskadiko LHko 24 ikastetxe publiko zein itunpekoetakoak, zeinek datozen asteetan euren lehen praktikak egingo baitituzte atzerriko enpresetan, Erasmus + beken eskutik; Europako programa hori EBk, SEPIEren bidez, Eusko Jaurlaritzak eta Bizkaiko Diputazioak finantzatzen dute, eta Confebaskek kudeatzen du orain dela 27 urtetik. Euskal Enpresarien Konfederazioa da proiektuaren liderra, eta ikasleek ikasten duten LHko ikastetxeekin jartzen da harremanetan eta praktikak egiteko enpresetako egonaldiak prestatzen ditu. Aurten, hautatutako konpainiak Irlandan, Italian, Portugalen, Frantzian, eta Maltan daude, eta 13 asteko prestakuntza praktikoa egingo dute martxotik ekainera.

“Lan merkatuaren dezelerazio joera baieztatzen da Euskadin, ekonomiaren dinamismo txikiagoagatik”

02-02-2023
Euskadin, urtarrila amaitzean, 2.107 langabe gehiago zeuden aurreko hilabetean baino, %1,9 gehiago, eta, beraz, guztira 112.905 langabe daude. Aurreko urteko urtarrilarekin alderatuta, berriz, 3.039 langabe gutxiago daude (-%2,62). Beste horrenbeste esan daiteke enplegua sortzeari buruz. 9.762 kotizatzaile galdu dira abenduarekin alderatuta (-%0,98), baina urte arteko konparazioan (2022ko urtarrila) saldoa positiboa da oraindik: 10.729 afiliatu gehiago (+%1,10). Confebaskeko Ekonomia arduradunarentzat, “egia da urtarrila iazkoa baino okerragoa izan dela, baina kontuan hartu behar da urtarrila tradizioz langabezia igo eta okupazioa jaisten den hilabetea dela, besteak beste, Gabonetako denboraldiaren amaieraren ondorioz.