- Confebasken txostena Euskadiko enpresa kopuruaren bilakaerari buruz (ikusi hemen) 2021eko lehen hilabeteari dagokionez
2021-02-10
Confebaskek enpresa sarearen bilakaerari buruz eman duen azken Newsletterrean zehazten denez (ikusi hemen), Gizarte Segurantzan inskribatutako euskal enpresen kopurua 247 enpresarekin murriztu da urtarrilean, eta guztira 57.275 firma daude erregistratuta. Urtea murrizketarekin hasi da, baina 2015etik urtarrilerako txikiena da.
Gainerakoan, aurreko urteko hilabete berdinarekin alderatuta, urte arteko jaitsiera -%2koa izan da. Pandemia hasi zen 2020ko otsailarekin alderatuta, 1.618 enpresa suntsitu dira Euskadin, guztizkoaren %2,7, eta martxotik apirilera bitartean galdu zirenen %23 berreskuratu dira apirileko minimotik.
Sektoreka, eta 2020ko urtarrilarekin alderatuta, jaitsierarik handiena Zerbitzuetan izan da (-%2,3 eta 1.047 enpresa gutxiago), ondoren Industrian (-%1,5 eta 96 enpresa gutxiago) eta Eraikuntzan (-%0,7 eta 35 enpresa gutxiago). Euskadiko datuen bilakaera, nolanahi ere, konparatiboki, ez da estatuan bezain kaltegarria.
Urteko lehen hilabete honetan Euskadin erregistratutako autonomoen kopuruari dagokionez ere, jaitsiera erregistratu da. Zehazki, aurreko hilabetean baino 828 pertsona gutxiago daude, eta 2020ko otsailean baino 1.454 gutxiago, hau da, -%0,9 gutxiago. Urtarrilaren amaieran 168.790 autonomo zeuden erregistratuta Euskadin, hau da, beste minimo bat.
Azkenik, 2020a osorik hartuta, konkurtsoan sartutako euskal enpresen kopurua -%9,7 murriztu zen, guztira 250 enpresa, batez ere nabarmentzen direlarik industria sektorearen murrizketa, 2019an baino -%30,5. Aitzitik, urtearen bigarren zatian, hazi egin da konkurtsoan sartutako enpresen kopurua, hirugarren hiruhilekoan urte arteko hazkundea %24,1ekoa izan baita, eta %15,6koa laugarren hiruhilekoan.
