Euskadik 38 enpresa galdu ditu martxoan, urteko hilabete horretarako ohi baino zifra okerragoa

16-04-2021
Confebasken azken txostenean zehazten denez, Gizarte Segurantzan inskribatutako euskal enpresen kopuruak behera egin zuen martxoan aurreko hilabetearekin alderatuta, 38 enpresatan, aurreko ekitaldietako hilabete berdinean ohikoa baino zifra okerragoarekin. Guztira, Euskadin 57.386 konpainia zeuden erregistratuta martxoaren amaieran, 1.507 enpresa gutxiago iazko otsailean baino, hau da, enpresa guztien %2,6. Duela urtebete egon zen kopururik txikiena Gizarte Segurantzan inskribatuta, eta %28 berreskuratu dira harrezkero. Autonomoen kopuruari dagokionez, +320 hazi da aurreko hilabetearekin alderatuta, hilabete horretarako ohikoa denaren ildotik.

Confebaskek eta Eusko Jaurlaritzak kanpaina bat abiarazi dute enpresa bakar bat ere gera ez dadin Euskadiko Lanbide Heziketak eskaintzen dituen aukerak ezagutu gabe

15-04-2021
Confebaskek eta Eusko Jaurlaritzako Hezkuntza Saileko Lanbide Heziketako Sailburuordetzak kanpaina bat hasi dute elkarrekin, Euskadiko enpresa guztiek jakin dezaten LHaren euskal ereduak zer abantaila eskaintzen dizkien, enpresa horien neurria eta sektorea edozein delarik ere. Alderdi hori azpimarratu du Asier Aloria Confebaskeko Prestakuntza, Talentu eta Enpleguko zuzendariak: "Euskadiko LHak eskaintzen dizkien aukerak ezagutzen ez dituenik ez egotea izango litzateke helburua, behar duenean bertan bermatu dadin. Altxor handia dugu gure LHan, eta edozein enpresari laguntzeko tresnak ditu: autonomo batetik, multinazional handi bateraino”. Hain zuzen ere, ahalik eta konpainia gehienengana iristeko asmoz, webgune espezifiko bat sortu da: www.empresafpeuskadi.eus

“Confebasken 26 urte daramagu Euskadiko Lanbide Heziketaren urteko ekitaldia egiten, bakarra estatu osoan, horren aitortza soziala sustatzeko”

07-04-2021
Asier Aloria Confebaskeko Prestakuntza, Talentu eta Enplegu zuzendariak 'online' ekitaldi batean parte hartu du gaur goizean, CEOEk eta Bertelsmann Fundazioak antolatuta, LH dualaren dinamizazioan enpresa erakundeek duten rolari buruz. Confebasken eta LH dualaren euskal eredua, hain zuzen ere, 'arrakasta kasu' gisa aurkeztu izan da. Halaber, eta Euskadiko LHa hobetzeko estrategia bateratuaren barruan, Asier Aloriak azpimarratu du garrantzitsua dela “LHaren aitorpen sozialean sakontzea. Guk beti uste izan dugu hori funtsezkoa dela, eta, horregatik, duela 26 urtetik hona, Euskadiko LHaren urteko ekitaldi bat egiten dugu

“Funtsezkoa puntu bat da segurtasuna denon artean eta guztiontzat egitea eta lanaren berezko zatia izatea”

30-03-2021
Segurmaniaren azken zenbakian irakurri daitekeenez, CADINOXeko Laneko Arriskuen Prebentzioko arduradun Virginia Santamartak bere enpresan aurre egin beharreko arriskuez, prebentzioaren arloan izan duten bilakaeraz eta Covidaren agerraldiak lan ingurunean ekarri duen erronkaz hitz egiten du. Elkarrizketan adierazi duenez, "Laneko segurtasunaren arloan aldaketarik handiena segurtasunaren kudeaketa erreaktibo tradizionaletik (legea betetzeko egitea) estrategian integratzera eta osasunaren eta segurtasunaren bilaketan proaktiboak izatera igaro izana da. Eta horrela, gaur egun -jarraitzen du-, segurtasuna 3 pertsonako lantalde batek gidatzen du, eta, hartu beharreko erabakien arabera, zuzendaritzak eta langileen ordezkariek ere parte hartzen dute". Gainera, Segurmaniako newsletter honetan Amaia Larrearekin ere hitz egin dugu; UVESCO taldeko Laneko Osasun, Segurtasun eta Ongizate koordinatzailea da, eta langileekiko gertuko tratuak Kudeaketan duen garrantzia ere azpimarratu du.

Otsailean hilabete horretan ohi bezalako erritmoan hazi da enpresa kopurua, baina oraindik duela urtebete baino 1.400 enpresa inguru gutxiago daude

11-03-2021
Confebaskek Euskadiko enpresa kopuruaren bilakaerari buruz egindako azken txostenean deskribatzen denez, otsailean Gizarte Segurantzan 149 enpresa gehiago zeuden urtarrilean baino, hilabete horretan egon ohi den hazkundearen parean. Horrenbestez, Euskadin otsailaren amaieran guztira 57.424 konpainia zeuden inskribatuta. Urtarrilarekin alderatuta hazkundea egon den arren, zifra hori oraindik ere aurreko urteko hilabete berdinekoa baino -%2,5 gutxiago da. Edo, bestela esanda: aurreko ekitaldian, otsailaren amaieran, pandemia hasi zenetik 1.469 enpresa galdu dira. Hori bai, apirilean erregistratu zen gutxieneko firma kopurutik desagertutakoen %30 berreskuratu dira.