Noticias

Confebaskek Eusko Jaurlaritzari helarazi dio enpresa eta langileentzako jarduera protokolo berriak diseinatzeko beharra, baita laguntza bereziak prestatzekoa ere

11-03-2020
Eusko Jaurlaritzak Euskadiko eragile sozio-ekonomikoekin egindako lehen bileran, koronabirusaren agerraldiak euskal ekonomiaren martxan izan dezakeen eraginaren aurrean prestatzeko, Confebaskeko lehendakariak – Eduardo Zubiaurre –, eta haen elkarte kideetakoek – Eduardo Junkera (Adegi), Iñaki Garcinuño (Cebek) eta Pascal Gomez (Sea) –, Eusko Jaurlaritzari jakinarazi diotenez, “orain arte oraindik enpresetan izaten ari den eragina ez bada ere oso esanguratsua (kasu jakin sektore jakin batzuetatik haratago, horien artean turismoa, bidaiak, ekitaldiak, hezkuntza edo osasuna)”, beharrezkoa da “lantokietan jarduteko protokolo berriak ezartzea, baita bitartekoak ere ere enpresei eta langileei eragin horiek arintzen laguntzeko”.

“Egunetik egunera gero eta zailagoa da iragarpenak egitea, baina esperantza mantentzen dugu aurten euskal ekonomia gutxi gorabehera aurreikusitako jokalekuan ibiliko dela”

10-03-2020
Gaur goizean Donostiako Londres hotelean egindako ekitaldi batean, Deustuko Ex Aluminik antolatuta, Confebaskeko lehendakari Eduardo Zubiaurrek gogorarazi duenez, “koronabirusaren krisiak ustekabean eta indarrez sartu da urtearen hasieran. Eta egia da hainbat aste daramagula albisteak jasotzen, ia egunero, panorama errotik aldatuko dela mehatxatuz. Bizitzen ari garenak inpaktu globala edukiko du, eta, beraz, baita gure ekonomian ere… baina oraindik goizegi da kaltearen maila zehatza ebaluatzeko. Egunetik egunera gero eta zailagoa da iragarpenak egitea –jarraitu du–. Eta, hala eta guztiz ere, oraindik nahiago dugu jardueraren dezelerazioa –ez atzeraldia– deskribatzen duen jokalekuan kokatu, batez ere lehen hiruhileko honetan kontzentratuta.

“Ikusiko dugu gauzak nola garatzen diren eta zein aldarterekin ekin nahi dion gobernu espainolak elkarrizketa sozialari”

28-02-2020
‘Euskal enpresarentzako funtsezko alderdiak 2020an” izenburupean APDk antolatutako jardunaldi batean, Confebaskeko lehendakari Eduardo Zubiaurrek nabarmendu duenez, euskal enpresaren epe labur eta ertainerako kezken artean Pedro Sanchezen gobernuak lan erreforman sartu nahi dituen aldaketei lotutako hainbat gai daude. Prest gaude hobetzeko alderdi jakin batzuei buruz hitz egiteko, horien artean egonik kontratazio mugagabea nola bihurtu erakargarriago enpresentzat, horrela behin-behinekotasun tasa murrizteko… baina ez dugu uste positiboa denik osorik baliogabetzea, gure iritziz, lan erreformak onura gehiago ekarri dutelako oztopoak baino, eta euskal enpresak lehiakorragoak izatea ekarri duelako”, baieztatu du Eduardo Zubiaurrek.

Urtea jaitsierekin hasi da Euskadin enpresen zein autonomoen kopuruari dagokionez, urtarrilean gertatu ohi den bezala

14-02-2020
Confebaskek Euskadiko enpresa sarearen bilakaerari buruz argitaratu duen azken buletinean irakurri daitekeenez, 2020. urtea jaitsierekin hasi da, bai enpresa kopuruari dagokionez, bai autonomoenari dagokionez, nahiz eta, urtarrilean gertatu ohi denez, bilakaera normaltzat jo daitekeen. Gizarte Segurantzan guztira inskribatutako enpresak, urtarrilean, 58.437 ziren, hau da, abenduan baino 521 gutxiago. 2019ko urtarrilarekin alderatuta, 303 enpresa gutxiago daude, eta horrek esan nahi du urtearteko jaitsiera -%0,5ekoa izan dela. Baina, halere, esan dugunez, aurreko urteetakoen antzeko urtarrila izan da, hilabete horretan ohikoa izaten baita enpresa kopurua murriztea.

Confebaskek akordio garrantzitsuak sinatu ditu Elkarrizketa Sozialaren Mahaian eta parte hartzaileek elkarrizketa eta negoziaziorako duten borondatea balioetsi du

04-02-2020
Confebaskek Elkarrizketa Sozialaren Mahaian Eusko Jaurlaritzarekin eta CCOO eta UGT sindikatuekin izenpetutako akordioak aurkeztu ditu gaur, prentsaurrekoan; gai esanguratsuak lantzen dituzte euskal enpresarentzat, alde sindikalarentzat eta euskal gizartearen aurrerabiderako oro har. Confebaskeko lehendakari Eduardo Zubiaurrek aukera baliatu du agerian jartzeko enpresarien erakundeak garrantzia ematen diola Elkarrizketa Sozialaren Mahaia bezalako foroetan parte hartzeari. Ildo horretan, Zubiaurrek “negoziazio eta elkarrizketarako jarrera” nabarmendu du, “batzuek praktikatzen duten etengabeko konfrontaziotik, inposiziotik eta krispaziotik urrun, foro hauetatik autobaztertzen direlarik, behin eta berriz parte hartu dezaten gonbidatzen diren arren.