- Confebasken buletina euskal enpresen kopuruaren martxoko bilakaerari buruz
2023-04-17
Gizarte Segurantzan izena emanda zuten EAEko enpresak 57.708 izan ziren martxoan. Horrek esan nahi du otsailean baino 74 gehiago, baina iaz hilabete berdinean baino 152 gutxiago. Euskadiko konpainia kopuruaren urte arteko jaitsiera (-%3) estatuan azken urtean erregistratu den hazkundearen kontrakoa da (+%7).
Gainera, Euskadi galtzaile ateratzen da pandemia hasi zenetik gertatutakoarekin alderatuta. 2020ko otsailarekin alderatuta, EAEn orduan baino 1.185 enpresa gutxiago daude erregistratuta oraindik, hau da, -%2; estatuan, berriz, jaitsiera askoz txikiagoa da, -%0,1 baino ez, eta covid aurreko enpresa kopurua berreskuratzeko gertu daude.
Zifra horiek Confebaskek Euskadiko enpresa sarearen bilakaerari buruz atera duen azken newsletterrean irakurri daitezke, eta halaber nabarmentzen da autonomoen kopurua 225 lagunekin handitu zela joan den hilabetean Euskadin, martxorako ohikoa denaren ildotik, autonomoen kopurua, guztira, 168.069 pertsona izanik. Horrek esan nahi du urte arteko jaitsiera -%0,5 izan dela. 2020ko otsailarekin alderatuta, 1.726 autonomo gutxiago daude, hau da, -%1,0 gutxiago.
Azkenik, hartzekodunen konkurtsoan zeuden euskal enpresen kopurua 253ra igo zen 2022an, 2021ean baino -%3,1 gutxiago, laugarren hiruhilekoan -%13,6 murriztu ondoren. Jaitsiera hori ez dator bat estatu osoan erregistratutako %16ko igoerarekin. Sektoreka, 2022an, 2021arekin alderatuta, zerbitzuen sektorean %-8,6 murriztu zen konkurtsoan sartutako enpresen kopurua, 159 enpresa konkurtsaturekin, eta industrian, berriz, %8,2 hazi zen, 53 enpresarekin, eta eraikuntzan ere 2021ean baino %7,9 gehiago, 41 enpresarekin.
