Confebaskek eta Espainiako Gobernuko Industriako idazkari nagusiak eta Energiako estatu idazkariak gaur egungo egoera analizatu eta euskal enpresek berreraikuntzarako Europako funtsen zati bat lortzeko dituzten aukerak aztertu dituzte

11-09-2020
Confebaskek eta bere elkarte kideek – Adegi, Cebek eta Sea – bilera batean parte hartu dute gaur goizean, Espainiako Gobernuko Industriako eta Energiako goi arduradunetako birekin: Raul Blanco, Industria, Merkataritza eta Turismo Ministerioko Industriako idazkari nagusia; eta Sara Aagesen, Trantsizio Ekologiko eta Erronka Demografikorako Ministerioko Energiako estatu idazkaria. Bileran izan da, halaber, Gobernuaren Euskadiko ordezkaria, Denis Itxaso. Confebasken aldetik, ordezkaritza zabal bat joan da bilerara, Adegi, Cebek eta Seako lehendakariak buru zirela – Eduardo Junkera, Iñaki Garcinuño eta Pascal Gomez –, baita bere hainbat lehendakariorde eta zenbait zuzendari nagusi ere. Topaketak balio izan du Euskadiren egoera ekonomikoa eta enpresariala – pandemiak eragindako krisiak oso baldintzatua – bi ministerioekin aztertzeko eta partekatzeko, zehazki, Euskadirentzat estrategikoak diren bi sektoreei dagokienez, hau da, industriari eta energiari dagokienez.

Eusko Jaurlaritzak, unibertsitateek eta Confebaskek unibertsitateko prestakuntza dualaren aurtengo ikasturtearen hasiera eta enpresetako garapena aztertu dute

09-09-2020
Bileran, parte hartzaileek ikasturtearen hasieran aurre egin beharreko panorama zehaztu dute, bakoitzak bere ikuspegitik, bai ikasgeletan, bai praktiketako edo prestakuntza dualeko ikasleak hartzen dituzten enpresetan. Hori guztia Unibertsitatea+Enpresa lankidetzaren estrategiaren barruan, zeina dagoeneko maila guztietan baitago indarrean, 2017an sortu zen talde bereziari esker. Lankidetza sendo horren ondorioa da, Confebaskek rol protagonista jokatzen duelarik –Eusko Jaurlaritzako Sailburuordetzarekin eta euskal unibertsitateekin batera–, euskal unibertsitateen prestakuntza dualak duen bilakaera garrantzitsua, karrera ikastea eta aldi berean euskal enpresetan praktika ordainduak egitea ahalbidetzen duena.

Confebaskek Herrialdeko akordio handi bat planteatu du Euskadiren berrikuntza sakon eta eraldaketa lehiakor baterako, funts bereziekin

23-07-2020
Kontseilu Orokorra elkartu eta gero komunikabideei egindako adierazpenetan, Confebaskeko lehendakari Eduardo Zubiaurrek ziurtatu duenez, “datozen hilabeteei begira, Euskadiren lehentasunak izan beharko lirateke, alde batetik, gastu publikoko eta zorpetze bereziko politikak, enpresak salbatzeko, enplegua salbatzeko. Hori izan beharko litzateke lehentasuna. Aurten eustea, datorrenean berraktibatzeko…Baina, gainera -jarraitzen du-, aukera aprobetxatu beharko genuke Euskadiren berrikuntza eta eraldaketa lehiakorrari ekiteko, beste katastrofe batean egin zen bezala, hura naturala izan bazen ere, 83ko uholdeetan.

Euskadik ekainean 1.547 enpresa gutxiago erregistratu ditu otsailean baino, konfinamendua ezarri baino lehenago

13-07-2020
Confebaskek Euskadiko enpresa kopuruaren bilakaerari buruz atera duen azken Newsletterrean zehazten denez, joan den hilean Euskadin 63 enpresa galdu ziren, baina horrek, hala eta guztiz ere, nolabaiteko egonkortasuna adierazten du, ekainerako egon ohi den datua baino zertxobait hobea baita. Aitzitik, horrek ez du ezkutatzen aurreko hilaren amaieran Gizarte Segurantzan 1.547 enpresa gutxiago zeudela erregistratuta otsailean baino, konfinamendua hasi aurretik, Covid-19aren krisiak izan duen eraginaren erakusle. Eta alderaketa hamabi hilabetera zabaltzen bada, ikusten da ekainaren 30ean 2.061 enpresa gutxiago zeudela aurreko urteko hilabete horretan erregistratuta zeudenak baino. Guztira, Euskadin aktibo zeuden enpresen kopurua 57.346 enpresa ziren.

Enpresa handiak eta ertainak hobeto ari dira aurre egiten Covid-19aren krisian txikiak eta mikroETEak baino

25-06-2020
Confebaskek Enpresa Dimentsioari buruz ateratzen duen Newsletterraren azken zenbakian hainbat aldagai kontsultatu daitezke, enpresaren neurria eta koronabirusak eragin duen egungo krisiaren aurreko sendotasuna lortzen dituena. Horrenbestez, datu ofizialen arabera, ikusi daiteke, adibidez, pandemia hasi zenetik gehiago jaitsi dela enpresa txiki eta mikroETE-en kopurua enpresa ertain eta handiena baino. Izan ere, maiatzean, dagoeneko, enpresa txikien kopurua -%6,4 txikiagoa zen urtarrileko eta otsaileko batezbestekoa baino. Konpainia handietan (-%2’7) eta ertainetan (-%3’7) egon dena baino askoz eroriko handiagoa.