Confebaskeko zuzendaritzak, Roberto Larrañaga lehendakaria eta Eduardo Aretxaga zuzendari nagusia buru izanik, EH Bilduren ordezkaritza bat hartu du gaur goizean, Bizkaiko hiriburuan, Arnaldo Otegik eta Maddalen Iriarte, Leire Pinedo eta Iker Casanova parlamentariek osatuta. Bileran, parte hartzaileek gaur egungo egoera sozio-ekonomikoari buruzko iritziak eta ikuspegiak partekatu dituzten, eta Confebaskeko zuzendaritzak aukera baliatu du fiskalitateari, koiunturari eta euskal enpresen artean zabaltzen ari den Lan Harremanen eredu berriari buruzko txostenak entregatzeko; eredu berri horretan, enpresa proiektu partekatu moduan ulertzen da, konfrontazio eta gatazka iraunkorreko gune moduan baino gehiago, nahiz eta batzuk horri heltzen saiatzen diren.

“Berdintasun eredu baterantz” izenburupean, Novia Salcedo Fundazioak antolatutako solasaldiak, besteak beste, Confebaskeko lehendakari Roberto Larrañaga, Eusko Jaurlaritzako Enplegu eta Gizarte Politiketako sailburu Beatriz Altolazabal eta Europar Batasuneko Kontseiluko Aukera Berdintasuneko arduradun Cristina Gallach elkartu ditu. Roberto Larrañagak zera baieztatu du: “soldata ‘desoreka’ edo ‘desberdintasuna’ egoera zitala da gurea bezalako gizarte aurreratu batentzat”, eta, defenditu duenez, “enpresaren helburu nagusia da guztiok enpresan erabat sartzea, izan gizon zein emakume, norberaren gaitasunetik eta ahaleginetik ez datorren diskriminaziorik eta diferentziarik gabe. Ildo horretan, betebehar etikoaz gain, soldaten arteko desoreka amaitzea eta aukera berdintasuna sustatzea lehiakortasunerako baldintza argia da.

Iñigo Urkullu lehendakariaren iritziz, gaur goizean Eusko Jaurlaritzak, foru aldundiek eta euskal udalek izenpetu duten Familiaren eta Haurtzaroaren aldeko Itunak “erronka demografikoari eta gazteriaren aldeko apustuari erantzuten dio, Euskadiren gainean dugun etorkizuneko ikuspegian partekatzen dugun lehentasuna baita”. Urkulluk eskerrak eman dizkie familiaren eta haurtzaroaren esparruan lan egiten duten administrazio publikoei eta erakunde sozialei –horien artean dago Confebask–, “jasotako ekarpenengatik eta lanerako espiritua partekatzeagatik –auzolana–, horri esker irismen luzeko konpromiso instituzionala eta soziala eman baitiote Itunari”. Confebask izan zen, joan den abenduaren 20an, Familiaren eta haurtzaroaren aldeko euskal ituna izenpetu zuten erakundeetako bat.

Gaur El Economistak Euskadiko edizioan argitaratu duen elkarrizketa batean Roberto Larrañagak gogoratu duenez, “Confebasken enpresetan malgutasuna egotearen alde egiten dugu, langileekin edo beraien ordezkariekin itunduta batez ere. Horrek esan nahi du ordu poltsa bat egon behar dela produkziorik handieneko uneetan aktibatzeko, eta produkzio gutxiago dagoenean konpentsatuko dena… Hitzarmenetan malgutasunerako tresnaren bat izango bagenu itunduta beharbada saihestu egingo genuke aldi baterako kontratuen zati bat… Kontratazio mugagabea aurreko ratioetan mantentzen da: Esaten ari gara Euskadin aktibo dauden 4 langiletik 3k kontratu mugagabea dutela”. Elkarrizketan zehar, Confebaskeko lehendakariak beste gai batzuk ere jorratu ditu, hala nola 2018rako euskal ekonomiarako aurreikusi den hazkundea

2017ko urtarrileko Lanbidearteko Akordioak itxaropen orokortuak sorrarazi zituen, baita enpresetako sinatzaileen artean ere. Lehendabizi, 15 urte baino gehiagoan sindikatu maioritarioarekin izenpetutako lehen sektorearteko akordioa izan zelako, eta, bigarrenik, negoziazio esparru jakin baten babesa sinatzen duenak hori mantentzeko eta garatzeko borondatea duela erakusten duelako. Aitzitik, hortik aurrera, aurreikusten genuen gure hitzarmenak berritzea ez zela zeregin erraza izango, sindikalismo maioritarioak jarrera aldatzea eragin beharko zuelako, eta ez zegoen horren inguruko segurtasunik. Eta asmatu egin genuen.