Confebaskek Enpresa Dimentsioari buruz landu duen Newsletterraren azken zenbakian jasotzen denez, finantzarioak ez diren euskal enpresen produktibitatea murriztu egin da 2008tik 2014ra bitartean. Zehazki, %4,3 batez beste. Alta, enpresa horien artean, “mikroenpresetan” jaitsi da gehien produktibitatea –1-9 langile artean–, horietan jaitsiera %12,8koa izan baita. Eta 2014an produktibitate mailaren portzentaje hori finantzarioak ez diren enpresen batez bestekoa baino %22 gutxiago zen. Ildo horretan, buletinean eskaintzen diren datuen arabera, enpresen produktibitatea bere dimentsioari zuzenean lotuta dago. Horrez gain, “Enpresa Dimentsioa”-aren zenbaki honek elkarrizketa bat eskaintzen du Euskadiko Ezagutza eta Teknologien Industrien Gaia Klusterreko zuzendari nagusiarekin.

Eusko Jaurlaritzak legealdi honetan deitu duen lehen bilera izan da. Elkarrizketa Sozialerako Mahaiak, besteak beste, Prestakuntzaren eta enpleguaren arteko harremanean sakondu du, eta bere asmoa da foro iraunkorra izatea, formatu egonkor eta instituzional batekin. Lehen bileraren irteeran, Confebaskeko lehendakari Roberto Larrañagak “positibotzat” jo du lehen topaketa hori, eta, adierazi duenez, “elkarrizketa soziala gobernuaren zereginetan erantzunkide izateko gonbidapena da. Eta gu, laguntzeko deitzen digutenean, beti joaten gara”.

Radio Euskadiri egindako adierazpenetan, Confebaskeko lehendakari Roberto Larañagak adierazi duenez, Euskadiko ekonomiaren egoera “ona da oro har”, BPGa modu jarraituan hazten ari baita, nahiz eta enpresa batzuk “gaizki pasatzen” ari diren. Larrañagak esan duenez, gaur egun, testuinguru ekonomikoari dagokionez, ‘edalontzia ez dago ez erdi beteta ez erdi hutsik”. “Nik esango nuke ia beteta dagoela”, gehitu du. Bere iritziz, ekonomiaren “egoera orokorra ona” da, eta enpresa “gehienek hobekuntza garrantzitsua izan dute euren eskaera zorroan eta konfiantzan”, eta alderdi horiek “enplegua eta inbertsioa” bultzatzen dute.

Roberto Larrañaga Confebaskeko lehendakariak adierazi duenez, “jardueraren azken datuak aztertu eta gero, erabaki dugu euskal ekonomiak 2017an izango duen hazkunderako egin dugun aurreikuspena gorantz berrikustea, %3raino, aurreko aurreikuspenean baino bost hamarren gehiago”. Sortutako enplegua ere igotzen da, eta, gehitu duenez, “2017 hau Gizarte Segurantzako 20.000 afiliazio berrirekin itxiko dugu,iazko abenduan esan genuen baino 4.000 gehiagorekin”. Bai Confebaskeko lehendakariak, bai Eduardo Aretxaga zuzendari nagusiak, azpimarratu dute hazkunde hori, bai jardueraren arloan BPGari dagokionez, bai enplegua sortzeari dagokionez, “ekonomia errealera” eramaten ari dela

Hezkuntza sailburu Cristina Uriartek presidituta, Klusterra Euskadiko unibertsitate prestakuntzako lehen elkarte handia da, eta bi helburu nagusi ditu: alde batetik, Unibertsitate-ikerketako eragileen eta enpresen arteko aliantza egonkorrak egitea, ezagutza sortu eta transferitzeko elkarren arteko lankidetza eta atzeraelikadura segurtatzeko, eta Euskadiko zientzia, teknologia eta berrikuntzako politikei buruzko informazioa partekatzeko. Eta bestetik, gradu eta graduondoko prestakuntza eskaintzeak garatzea bizitza osoan zehar, erantzun eraginkorrak emateko eta profesional moldagarriak prestatzeko eta enplegagarritasuna handitzeko.